မင်္ဂလာပါခင်ဗျာ........
ကျွန်တော်တို့ mmspyshop.com က စာပေချစ် ပရိတ်သတ်များအား
အမျိုးသမီး သူရဲကောင်းတစ်ယောက်အကြောင်း မိတ်ဆက်ပေးချင်ပါမယ်။
 |
| သူရမချစ်ပို အုတ်ဂူ |
မချစ်ပိုသည် ထားဝယ်မြို့သူ တစ်ယောက်ဖြစ်ပေသည်။
သူ့အသက် (၂၀) အရွယ် ၁၉၄၇ ခုနှစ်တွင် BE တပ်ထဲ ၀င်သွားသော
မောင်ဖြစ်သူအား
ရှာဖွေရန် ထားဝယ်မှ ပြင်ဦးလွင်သို့ တစ်ဦးတည်း ထွက်ခွါလာခဲ့ပြီး ပြင်ဦးလွင်မြို့တွင်
BE တပ်မှ တပ်ကြပ်မောင်လှနှင့် အကြောင်းပါခဲ့ပြီး တပ်မတော်၏ မိသားစုဝင်တစ်ယောက် ဖြစ်လာခဲ့သည်။
၁၉၄၉ ခုနှစ် ဖေဖေါ်ဝါရီလ ၂၁ ရက်နေ့တွင် KNDO တပ်ဖွဲ့များသည် မေမြို့ (ယခုပြင်ဦးလွင်မြို့)
အား အလစ်အငိုက် စီးနင်းသိမ်းပိုက် လိုက်လေသည်။
ထိုအချိန်က မေမြို့တွင် ဗိုလ်မှူးထင်ပေါ်နှင့် ဗိုလ်ကြီးဘဖြူ ဦးစီးသော BE တပ်မှ တပ်ခွဲများသည် ရရာလက်နက် ခဲယမ်းများ သိမ်းဆည်းကာ လားရှိုးဘက်သို့ ဆုတ်ခွာသွားခဲ့ကြသည်။ ထိုသို့ ဆုတ်ခွာသွားသော တပ်များသည်လားရှိုးတွင် ပြန်လည်စုဖွဲ့ကာ မေမြို့သို့ ပြန်လည် ချီတက်ခဲ့ကြလေသည်။
ထိုအချိန်က မေမြို့တွင် ဗိုလ်မှူးထင်ပေါ်နှင့် ဗိုလ်ကြီးဘဖြူ ဦးစီးသော BE တပ်မှ တပ်ခွဲများသည် ရရာလက်နက် ခဲယမ်းများ သိမ်းဆည်းကာ လားရှိုးဘက်သို့ ဆုတ်ခွာသွားခဲ့ကြသည်။ ထိုသို့ ဆုတ်ခွာသွားသော တပ်များသည်လားရှိုးတွင် ပြန်လည်စုဖွဲ့ကာ မေမြို့သို့ ပြန်လည် ချီတက်ခဲ့ကြလေသည်။
မေမြို့ ရေချမ်းအိုးရွာဘက်တွင်
တိမ်းရှောင်နေကြသော BE တပ်မှ အရာရှိ စစ်သည်များနှင့် အခြားတပ် ပေါင်းစုံမှ တပ်ဖွဲ့ဝင်များလည်း
BE တပ်တွင် လာရောက်ပူးပေါင်းခဲ့ကြလေသည်။ ထို့နောက်.... တပ်ပေါင်းစု အင်အားဖြင့် ဖေဖေါ်ဝါရီလ
၂၄ ရက်နေ့တွင် ပြန်လည်တိုက်ခိုက်ခဲ့ရာ ပြင်ဦးလွင်မြို့ကို
ပြန်လည်ရရှိခဲ့လေသည်။ အင်ဂျင်နီယာတပ်မှ ဦးဆောင်ကာ မေမြို့ကို ပြန်လည်တိုက်ခိုက်ခဲ့သော
ထို ဖေဖေါ်ဝါရီလ (၂၄) ရက်နေ့အား BE တပ်ဖွဲ့ခေါ် အင်ဂျင်နီယာတပ်ဖွဲ့နေ့ အဖြစ် ဂုဏ်ပြု
မှတ်တမ်းတင်ခဲ့လေသည်။
ထိုသို့... ဖေဖေါ်ဝါရီလ ၂၄ ရက်တွင် စခန်းများ ရရှိပြီးဖြစ်သော်လည်း
မြို့တွင်းတိုက်ပွဲများ ဆက်လက်ဖြစ်ပွားနေဆဲဖြစ်ပြီး တစ်ဘက်နှင့် တစ်ဘက် ခြေကုတ်စခန်းများကို
အားပြုကာ အဖွဲ့ငယ်များ စေလွှတ်၍ အပြန်အလှန် သတင်းထောက်လှမ်း တိုက်ခိုက်နေကြသည်။ မြို့ပေါ်တွင်လည်း
လေ့ကျင့်မှု မရှိသော အရပ်သားများသည်ပင် ရရာလက်နက်စွဲကိုင်ပြီး တပ်နှင့် ပူးပေါင်း တိုက်ပွဲဝင်ခဲ့ကြသည်။
သတင်းထောက်လှမ်းမှု အရေးကြီးချိန်တွင် ရန်သူသည် ယောက်ျားမှန်သမျှ တွေ့သည်နှင့် ဖမ်းဆီးသတ်ဖြတ်ခြင်းများ
ပြုလုပ်ရာ အမျိုးသမီးများသာ နွားကျောင်းခြင်း ဈေးရောင်းခြင်းများ ပြုလုပ်နိုင်ကြသည်။
ထိုအချိန်တွင် အမျိုးသမီးများထဲမှ မိမိသဘော အလျောက် ရန်သူ့သတင်းထောက်လှမ်းရန် တစ်ဦး
ထွက်လာလေသည် ထိုသူကား မချစ်ပို ပင်ဖြစ်ပေသည်။ မချစ်ပို၏ ယောက်ျားဖြစ်သူ တပ်ကြပ်လှမောင်
အပါအ၀င် အင်ဂျင်နီယာတပ်ဖွဲ့များသည် လေ့ကျင့်ရေးတပ်ကုန်းတွင် ရင်ဆိုင်ထားစဉ် တစ်ဘက်နှင့်တစ်ဘက်
အဖွဲ့ငယ်များဖြင့် အပြန်အလှန် ပစ်ခတ်ကြရာမှ တပ်ကြပ် လှမောင်အား သေနတ်မှန်ကာ ဒဏ်ရာရရှိခဲ့လေသည်။
မချစ်ပိုသည် ဓါးတိုတစ်လက်နှင့် လက်ပစ်ဗုံးတို့ ယူဆောင်ပြီး ခမောက်ဆောင်းကာ၊ တုတ်တစ်ချောင်း၊
လွယ်အိတ်တစ်လုံးတို့ဖြင့် နွားကျောင်းသမ ပုံသဏ္ဍာန်ဖြင့် DKDO တပ်များ တပ်စွဲထားသော မေမြို့
လေ့ကျင့်ရေး တပ်ကုန်း၊ ဆေးတပ်ကုန်းများဘက်သို့ နည်းမျိုးစုံဖြင့် ၀င်ရောက်ကာ ရန်သူ၏
လက်နက်ကြီးများ ထားရှိရာနေရာ၊ ကွပ်ကဲရေးရုံးတည်နေရာနှင့် အခြားထောက်လှမ်းရေး လုပ်ငန်းများကို
လုပ်ဆောင်ခဲ့လေသည်။ ရန်သူသည် နွားတစ်အုပ်နှင့် မချစ်ပိုအား နွားကျောင်းနေသည်ဟုသာ ထင်နေခဲ့လေသည်။
မချစ်ပိုသည် နွားကျောင်းရင်းဖြင့် ရန်သူလက်နက်ကြီး ပစ်ကူနေရာများ၊ စက်သေနတ်ကြီးများ
ချထားသည့်နေရာများအား တပ်ဖွဲ့ထံသတင်းပြန်လည်ပို့ပေးနိုင်ခဲ့လေသည်။ တစ်ခါတစ်ရံ ရန်သူအဖွဲ့ငယ်
သုံးလေးဦးခန့်ဖြင့် ဆုံတွေ့စဉ် အခွင့်သာပါက လက်ပစ်ဗုံးဖြင့် တိုက်ခိုက်လာခဲ့ရာ ရန်သူတပ်ဖွဲ့များ
အတော်ပင်အထိနာခဲ့လေသည်။ စစ်ဆင်ရေးတွင် ကျင်လည်လာသော မချစ်ပိုသည် လက်ရှိလုပ်ဆောင်ချက်အား
အားမလိုအားမရဖြစ်ကာ ထမီအစားဘောင်းဘီဝတ်လိုကြောင်း နေရာတိုင်း သုံးမရသော လက်ပစ်ဗုံးအစား
သေနတ်တတ်ဆင်ပေးရန်နှင့် နေ့ခင်းဘက်တွင် ထောက်လှမ်းရရှိခဲ့သော နေရာများအား ညဘက်တွင်
တပ်ဖွဲ့နှင့်အတူ လိုက်ပါတိုက်ခိုက်လိုကြောင်း တင်ပြခဲ့လေသည်။ မချစ်ပို၏ တင်ပြချက်အား
ဗိုလ်ကြီးဘဖြူမှ သဘောတူကာ ရိုင်ဖယ်ဖြင့် အဆင်မပြေနိုင်သဖြင့် မချစ်ပိုအား ခြောက်လုံးပြူး
ထုတ်ပေးလိုက်သည်။ မချစ်ပိုသည် နေ့ခင်းဘက်တွင် သတင်းထောက်လှမ်း၍ ညဘက်တွင် ညတိုက်ပွဲများ
ဆက်လက် ဆင်နွှဲကြလေသည်။ တစ်ချိန်တွင် မချစ်ပိုသည် ရန်သူကို ရှေ့တက် လုံးထွေး တိုက်ခိုက်ရင်းမှ
ဗိုက်ကို သေနတ်မှန်ခဲ့လေသည်။ သို့သော် မာန်တင်းလျှက် ဒဏ်ရာကို အ၀တ်နှင့်စည်းပြီး ဆက်လက်တိုက်ခိုက်ခဲ့သည်။
ရရှိသည့်ဒဏ်ရာကို တိုက်ပွဲအောင်မှ ပြန်လည်ကုသခဲ့သည်။ ထိုအချိန်က ခေတ်အခြေအနေအရ လျှပ်စစ်မီးနှင့်
အောက်လင်းမီး မရှိခြင်းကြောင့် မချစ်ပို၏ ဒဏ်ရာကို ဖယောင်းတိုင်မီးဖြင့်ပင် ခွဲစိတ်ကုသပေးခဲ့ကြောင်း
ဒဏ်ရာအား ၁၅ ချက်ခန့် ချုပ်ခဲ့ရသည်ဟု သိရသည်။ မချစ်ပို ဆေးကုသနေစဉ် ကာလတွင် မေမြို့မှ
BE တပ်များအား မန္တလေးရှိ မြောက်ပိုင်းတိုင်း စစ်ဌာနချုပ်မှ ဆင့်ခေါ်ခြင်း ခံရသဖြင့်
ဆုတ်ခွာသွားကြသောကြောင့် တပ်ဖွဲ့ဝင်များ၏ ဇနီးနှင့် သားသမီးများကို ကြည့်ရှု စောင့်ရှောက်ထားနိုင်ခြင်း
မရှိတော့သဖြင့် မိသားစုဝင်များမှာ ဟိုသည် ပုန်းအောင်း၍ နေခဲ့ကြရရှာသည်။ ထိုအချိန်တွင်
KNDO ခေါင်းဆောင် စောဘစံသည် သတင်းရရှိပြီး မချစ်ပိုပုန်းအောင်းနေသော နေရာသို့ ရောက်ရှိခဲ့ကာ
မချစ်ပိုအား ဖမ်းဆီးခဲ့လေသည်။ မချစ်ပိုသည် ထွက်ပြေးတိမ်းရှောင်းခြင်းမရှိပဲ ဓါးမြှောင်တိုတစ်ချောင်းကို
ဝှက်ကာ ယူသွားခဲ့သည်။ မချစ်ပိုသည် အံသွားအပို (အံပွား)ပါသူ တစ်ဦးဖြစ်သည်။ ထိုအချိန်က
မချစ်ပိုတွင် အံပွါးရှိခြင်းကြောင့် ဓား၊ သေနတ်ပြီးကာ သူမကိုယ်တိုင်သာမက နောက်ကလိုက်ပါကြသူများသည်လည်း
ကျည်ဆန်ထိမှန်ခြင်းမရှိဟု ယုံကြည်နေကြသည်။ မချစ်ပို ကို ဖမ်းမိသည်နှင့် သူမ၏ အံသွားများကို
ဓားဖြင့်ကလန့်ထုတ်ကြလေသည်။ “ နင်တို့ငါ့ အံသွားပဲနှုတ်လို့ ရမယ် တပ်မတော်အပေါ်ထားတဲ့
ငါ့သစ္စာတော့ ဘယ်တော့မှ နှုတ်လို့မရဘူး “ ဟုပြောပြီး မချစ်ပိုသည် ၀ှက်ယူလာသော ဓါးတိုဖြင့်ကလန့်နေသူ
နှစ်ဦးအားထိုးသတ်ရာ နှစ်ဦးစလုံး နေရာတွင်ပင် ပွဲချင်းပြီး သေလေသည်။ မချစ်ပို၏ လုပ်ဆောင်ချက်ကြောင့်
စောဘစံသည် မခံရပ်နိုင်ဖြစ်ကား သေနတ်ဆွဲ၍ မချစ်ပိုအား တရစပ်ပစ်ခတ်လေရာ မချစ်ပိုမှာလဲကျသွားလေတော့သည်။
မချစ်ပိုသည်ဒဏ်ရာ ပြင်းထန်စွာ ရနေသော်လည်း အတန်ကြာသည်အထိ သေဆုံးခြင်း မရှိသဖြင့် အသက်ပြင်းသည်ဟု
ပြောစမှတ်ပြုကြလေသည်။ ထို့နောက်စောဘစံသည် မချစ်ပို၏ အလောင်းအား ရေတွင်းထဲသို့ ပစ်ချလိုက်လေသည်။
အပေါ်မှ အုတ်ခဲကျိုးများ၊ ပန်းအိုးကွဲများ ပစ်ချထားလိုက်လေသည်။ ဤသို့ဖြင့် အမျိုးသမီး
သူရဲကောင်း မချစ်ပိုသည် (၈.၄.၄၉) ရက်နေ့၊ အသက် (၄၂) နှစ် အရွယ်တွင် နိုင်ငံတော်နှင့်
တပ်မတော်အတွက် သူမအသက်ကိုပေးအပ်ခဲ့လေတော့သည်။
၁၆.၄.၄၉ ရက်နေ့တွင် မြောက်ပိုင်းတိုင်း စစ်ဌာနချုပ်မှ မန္တလေး - မေမြို့ကားလမ်းအား စစ်ဆေးရန် ရောက်ရှိလာသော ဗိုလ်မှူးကြင်နှင့် စစ်သည်များသည် မချစ်ပို ကျဆုံးခဲ့သော ရေတွင်းအတွင်းမှ သူမအလောင်းကို ဆယ်ယူကာ စစ်အခမ်းနားဖြင့် ကောင်းမွန်စွာ သဂြိုလ်ခဲ့ပြီး သူမကျဆုံးခဲ့ရာ ရေတွင်းအား ငုံ၍အုတ်ဂူပြုလုပ်ခဲ့ကြသည်။ နိုင်ငံတော်အတွက်...... အသက်ကို ပဓာန မထားပဲ...... သူရသတ္တိ ပြောင်မြောက်စွာဖြင့် နောက်ဆုံးအချိန်အထိ ရဲ့ဝံ့စွန့်စားစွာ တိုက်ပွဲဝင်ခဲ့သော ``မချစ်ပို´´အား ၁၉၅၀ပြည့်နှစ်၊ လွတ်လပ်ရေးနေ့တွင် နိုင်ငံတော် အစိုးရမှ`` သူရ ´´ဘွဲ့တံဆိပ်အား ချီးမြင့်ပေးအပ်ခဲ့လေသည်။
ထိုသူရဘွဲ့တံဆိပ်သည်
မြန်မာ့နိုင်ငံအမျိုးသမီးအားလုံးတွင် တစ်ဦးတည်းသော ပေးအပ်ခဲ့သည့် ဘွဲ့တံဆိပ်ဖြင့်ယနေ
့ထက်တိုင် မှတ်တမ်းဝင်ခဲ့လေသည်။
မချစ်ပို၏
အုတ်ဂူဖြူဖြူလေးသည် ပြင်ဦးလွင်မြို့ထုံးဘိုရပ်တွင် ယနေ့ထက်တိုင် တည်ရှိနေပါသည်။ မသိနားမလည်ကြသူ
အချို့က အုတ်ဂူသင်္ချိုင်း မှာ မြို့ထဲရောက်နေသဖြင့် ရွှေ့ပစ်သင့်သည်ဟု ထင်မြင်ယူဆ နေကြပါသည်။
`` သူရ မချစ်ပို ´´ ၏ အုတ်ဂူသည် သင်းင်္ချ
ိုင်း မဟုတ်ပါ။ မေမြို့ (ပြင်ဦးလွင်) ကို ချစ်သော၊ မေမြို့ တိုက်ပွဲတွင် မြန်မာအမျိုးသမီးများ၏
စိတ်ဓါတ်ကို ပြဆိုနေသော.... ဂုဏ်ရောင်ကို ထွန်းလင်းစေသော စံအိမ်လေး တစ်ခုသာ ဖြစ်ပေလိမ့်မည်။
အမိမြေရဲ့သူရဲကောင်းတွေ သမိုင်းမှာ မချစ်ပိုဟာ အသံမဲ့စွာ ပါဝင်နေ ပေလိမ့်အုံးမည်။ သူမရရှိခဲ့သော
သူရဘွဲ့သည် တပ်မတော်သမိုင်းတစ်လျှောက်လုံး တိုက်ပွဲဝင်ခဲ့ကြသော တပ်မတော်သားများစွာ၏
နောက်ကမိသားစုတွေ၏ ဘ၀ပေါင်းများစွာကို ကိုယ်စားပြုနေ ပေလိမ့်အုံးမည်………။
သူရဲကောင်းတို့ ၏၀ိညဉ်သည် ကောင်းကင်ယံတွင်
ထာဝရ တည်တံနိုင်ကြပါစေ ။
